مثنوی لکی
خَم اِ وَرَ خاو ولکَرِ دل نیه
هیز دَر دس اِ کَپر دل نیه
هرچه که یوژمَ مگرم وَ خاوا
یه گِل اِ کش یه گل موسم اِ لاوا
پِرپِر بالِ چملم اِ قفس
بال دوچمم کوت بیسه اِ نفس
هول و پژاره مکووی اِ شووم
کوکووه ماو زویخ دوچم ار لووم
هر مَکیشیم هول دلم تا فلک
گوم گوم و گوم گوم که گومِ یه دلک
دویزه دله چَمِ بی خاو روژَ ماو
هرچه که دل ساختیسی ماو آو
اِ وَرِ خاو شیوه گَنی ها نووام
موری مِنه مایژه اِ چَه بی گنام
پیر و کَل و کورَ دلم اِ هاوار
بیسه طوق ار قی مِلم اِ هاوار
جنگ چو من و هول دلم تاگه روژ
فیکه فکِ لرزو تووم تاگه روژ
روشنیل یه جا و تیغ کیشونی
بوسون دل بیه دِرک چوچونی
یه وختی بی اوسارِ دلمه دِس بی
دِسِ دل ار دور و وَرم مَرس بی
باک اِ کِزه اِ لویل دل هر نووی
توز و تَم و رفت گرون تَر نووی
ایسکه وَ وا پَلی مچم تا هاوا
نازم وَ لا غول دلا ناراوا
آساره آسمون دلم لوره ماو
اور خیال یاواش یاواش جوره ماو
وارون خم تا صو سفید سا نماو
هرچه مَکم پام ار زمین جا نماو
هق هق تینیم بیسه شونمم
داخی اَسر آگره مه جهنمم
منبع : http://laksoroodeh.blogfa.com